Ka përfunduar ndeshja mes Leicester dhe Tottenham e vlefshme për javë e 6-shtë të Premier League.
Leicester arriti që të fitojë me përmbysje (2-1) këtë takim, duke siguruar 3 pikë të rëndësishme.
Rezultati i këtij takimi u zhbllokua në minutën e 29’, me golin e realizuar nga, Harry Kane.
Leicester arritën të barazojnë rezultatin në minutën e 69’, me anë të Ricardo Pereira.
Goli i përmbysjes që pati vlerën e tri pikëve për Leicester erdhi nga lojtari premtues, James Maddison, i cili realizoi me një goditje të bukur nga jashtë zonës.
Në këtë ndeshje u anulluan dhe dy gola nga sistemi VAR.
Me këtë fitore, Leicester mban përkohësisht vendin e dytë në Premierligë, me 11 pikë të grumbulluara.
Tottenham nga ana tjetër zbret në vendin 5, me vetëm 8 pikë në gjashtë ndeshje.
