Franck Ribery ka parë përmirësime teksa Fiorentina ka barazuar 0-0 ndaj Juventusit dhe i ka thurur elozhe tifozëve.
Viola ka marrë pikën e parë të sezonit pas humbjeve me Napolin dhe Genoa-n. Pas ndeshjes, kjo ishte deklarata e francezit.
“Jam shumë i lumtur sepse kanë kaluar tre muaj që kur kam luajtur një ndeshje të plotë dhe shkoi mirë. Po mundohem të gjej formën time më të mirë dhe ky ishte një hap përpara.
Bëmë çmos për të shënuar, por Juve është një skuadër e fortë dhe gjithashtu ishte shumë nxehtë. Po punojmë së bashku dhe shpresojmë që ndeshjen tjetër ta fitojmë.
Tifozët? Ata janë të mrekullueshëm, prandaj kam ardhur te Fiorentina.”