Në mesjavën e ardhshme PSG do ta presë në shtëpi Real Madridin në ndeshjen e vlefshme për fazën e grupeve të Champions Leagues.
Sipas disa raportimeve të fundit bëhet me dije që Sergio Ramos mund të jetë mungesa e madhe për “Los Blancos”.
Kapiteni i Realit pësoi një dëmtim gjatë përballjes me Levanten dhe në minutën e 60’ u detyrua të largohej nga fusha e blertë për t’i lënë vendin talentit Eder Militao.
Ende nuk ka dalë ekspertiza mjekësore e cila do të përcaktojë shkallën e dëmtimit të Sergio Ramosit, ndërsa Zinedine Zidane është bërë me “dhimbje” koke për shkak se infermieria është e tejmbushur.
