Ernesto Valverde është paraqitur në konferencë për media para ndeshjes që Barcelona e zhvillon me Getafen të shtunën.
Natyrisht, nuk munguan as pyetjet për lëndimin e ri të Lionel Messit.
Mediat në Spanjë raportojnë se Messi mund të jetë jashtë të paktën një muaj, por Valverde nuk ka folur me data të caktuara për rikthimin e mundshëm të 32-vjeçarit.
“Si është Messi? Nuk e di. Shpresoj të kthehet së shpejti. Nuk është lëndim i rëndë. Është një zgjatje dhe duhet të presim”, u përgjigj Valverde.
“Si ndikon lëndimi i ri i Messit? Njësoj si më parë. Nëse është me ne, jemi më të fortë, por kemi skuadër për të menaxhuar mungesën e tij. E kemi bërë edhe më parë”.