Vetëm një fitore përballë kampionëve të botës, por si për ironi të fatit, protagonisti absolut i ndeshjes historike ndaj Francës sot mungon. Mesfushori Ergys Kaçe, autori i një supergoli nga goditja e dënimit në ndeshjen e luajtur në “Elbasan Arena” më 13 qershor 2015, është lënë në listën e pritjes nga trajneri Reja dhe e sigurt është që nuk do të jetë i gatshëm në sfidën me “gjelat”.
Në total, Shqipëria ka luajtur 7 herë me Francën, ku veç atij suksesi në Elbasan, te rezultatet pozitive hyn edhe barazimi 1-1 në Francë në nëntorin e 2014-ës. Të dyja ndeshjet kanë qenë miqësore, ndërsa të tjera eliminatore për Kupën e Botës dhe Europës. Paraqitje pozitive Shqipëria bëri edhe në Europian e 2016-ës, pavarësisht humbjes “in ekstremis” 2- 0. Veç saj, kuqezinjtë numërojnë edhe 4 humbje të tjera.
17.11.1990 Shqipëri-Francë 0-1
30.03.1991 Francë-Shqipëri 5-0
02.09.2011 Shqipëri-Francë 1-2
07.08.2011 Francë-Shqipëri 3-0
14.11.2014 Francë-Shqipëri 1-1
13.06.2015 Shqipëri-Francë 1-0
15.06.2015 Francë-Shqipëri 2-0
PANORAMASPORT.AL