Futboll Kombëtarja Shqipëri Sport

STRAKOSHA-ETRIT BERISHA/ Rivaliteti i përjetshëm i miqve shqiptarë në Serie A

Këtë të diel do të luhet takimi i Serisë A, SPAL-Lazio, një sfidë që ofron një derbi mes kuqezinjve Thomas Strakosha dhe Etrit Berisha.

Për ironi të fatit, largimin e Etritit nga Lazio drejt Atalantës në vitin 2016 e shfrytëzoi Thomasi, që shndërruar titullar i padiskutueshëm i bardhekaltërve.

“Il messaggero”, këtë të shtunë, i ka kushtuar një shkrim të veçantë këtij dueli, mes dy protagonistëve që konkurrojnë për fanellën e titullarit në Kombëtaren Shqiptare”.

“Doreza” e parë e sfidës u hodh në Shqipëri. Tani është një tjetër gati, në “Ferrara”.

Strakosha gjen Etrit Berishën… Një mijë kryqëzime dhe një betejë e pafund. E “dëboi” nga Lazio, herën e fundit edhe nga kombëtarja, tani Thomasi dëshiron ta mundë edhe si kundërshtar të drejtpërdrejtë Etritin, në sfidën e kësaj fundjave të Serie A, Spal-Lazio.

Që nga marsi 2017, Strakosha nuk është larguar nga porta bardhekaltër dy herë me radhë. Ai nuk pësoi gol në javën e parë kundër Sampdorias, ndërsa u ndëshkua nga një penallti në derbin kundër Romës. Në verë i kishte shqetësuar të gjithë për përsëritjen e një problemi të vjetër në shpinë.

Sidoqoftë, portieri shqiptar i bardhekaltërve e ngriti kokën me nxitim, pati sukses edhe një herë. Në pak ditë do të mbushen saktësisht tri vite, që nga dita kur Strakosha debutoi me Lazion.

Ishte 20 shtatori 2016. Thomas bëri debutimin e tij në “San Siro”, në vend të Marchettit, kundër Milanit, duke mos lënë një përshtypje të madhe. Por, ishte fillimi i një ngjitjeje të gjatë që nuk do ta largonte kurrë nga porta e kryeqytetasve. Ai u bë numri 1 i Lazios në të njëjtin vit në të cilin Berisha u detyrua të emigronte tek Atalanta. Përtej vetvetes, Strakosha duhet të falënderojë Etritin, që ia la të lirë rrugën.

Një vit më parë, në Serinë B, portieri i datëlindjes 1995 ishte në stol, te Salernitana. Lazio e ktheu atë, por është e mahnitshme sesi fati i buzëqesh gjithmonë Strakoshës. Ai tashmë i ka rritur paraqitjet me bardhekaltrit (128 ndeshje), karshi 60 ndeshjeve të Berishës, po me këtë fanellë, në tri vite.

Tani, Thomas synon të rrëmbejë edhe portën e Shqipërisë. Aty nuk i kishte mirë punët me trajnerin Panucci, që e përjashtoi nga dy kualifikueset e “Euro 2020”, sepse kërkoi të paraqitej me vonesë në grumbullimin kuqezi.

Dhe të mendosh që Etriti kishte qenë numri 1 i Edy Rejas në Bergamo, tani edhe te Shqipëria ka zgjedhur Thomasin titullar në ndeshjet kualifikuese kundër Francës dhe Islandës.

Strakosha i thotë faleminderit, por në moshën 30-vjeçare Berisha nuk duket se vuan nga zilia: “Thomasi është e ardhmja dhe ne kemi një marrëdhënie shumë të mirë. Unë e konsideroj atë si vëllain e vogël”.

Nesër, megjithatë, nuk do të ketë hapësirë për ndonjë thirrje të zemrës, sepse Etriti ka bërë gjithçka për t’u kthyer dhe rikuperuar nga një shqetësim muskulor”.

Related posts

E NXORRI “JASHTË LOJE”/ Ja si e vlerëson Mourinho rikthimin e Zizu te Real Madridi

Delo.autor

PAS BARAZIMIT ME KUKËSIN/ Trajneri Shkëmbi: Ky kampionat ka shumë pak diferenca, pavarësisht…

Delo.autor

“DIKUSH KA QENË I INFEKTUAR”/ Mesfushori Gomez: Atalanta-Valencia ka të bëjë me përhapjen e koronavirusit

Delo.autor

Leave a Comment