Alban Hoxha mendon se nëse Partizani fiton këtë takim me Tiranën, ekipi i tij do të hapë një faqe të re këtë sezon.
Në një prononcim për “Rtsh”, gardiani i të kuqve pranon se Tirana është më lart moralisht, për herë të parë, por i bën thirrje shokëve të tij të japin më të mirën për të fituar këtë ndeshje.
DERBI – Sfidë delikate, tifozët dhe opinioni e ndjekin shumë këtë takim. Megjithatë, klasifikimi ka treguar se nuk ka rëndësi, por dëshira për fitore. Kemi më shumë dëshirë për 3 pikë.
NGA VJET – Tirana është forcuar, por tani ndeshjet e vështira vijnë për çdo ekip. Tani do shihet edhe Tirana më qartë, gjendjen e saj. Hera e marë që ata janë më mirë moralisht se ne. Duhet të japim të gjithë më të mirën në këtë takim.
BATHA – Të gjithë duan të fitojnë. Nuk më ka pëlqyer të jap deklarata para ndeshjes, kam folur gjithmonë pas derbeve. Bathës i them se do flasim pas ndeshjes.
ECURIA – Nuk e kemi nisur mirë, kanë qenë momente jo të mira. Derbi nëse fitohet, hap një faqe të re për sezonin. Fitorja na jep optimizëm për të ardhmen.