Cristiano Ronaldo theu një tjetër rekord me fanellën e kombëtares portugeze.
Sulmuesi 34 vjeçar u ngjit në krye të listës së golashënuesve në kualifikueset e Europianit.
Vendi i parë mbahej nga Robie Kean me 23 gola, dhe në vendin e dytë qëndronte Ronaldo me 21 të tillë.
Mirëpo me katër golat e shënuar në mbrëmjen e sotme ndaj Lituanisë CR7-ta u ngjit në kuotën e 25 golave duke lënë pas Kean. Duhet theksuar se irlandezi e ka mbyllur me futbollin e luajtur.
“Ylli” i Portugalisë ka dhe 4 ndeshje të tjera në dispozicion për ta thelluar dhe më tej këtë rekord.
Në këto eliminatore Portugalia do të përballet dy herë me Luksemburgun, një herë Ukrainën dhe një herë tjetër me Lituaninë.
