Një futbollist holandez është vrarë në një pritë mbrëmjen e së mërkurës në Amsterdam.
Dy burra qëlluan me armë zjarri nga një motoçikletë mbi makinën e futbollistit Kelvin Maynard, e cila më pas u përplas me godinën e shërbimit zjarrfikës.
Policia konfirmoi se 32-vjeçari po udhëtonte me makinë në rajonin Langbroekdreef të kryeqytetit holandez kur u qëllua për vdekje.
Autoritetet kërkojnë ndihmën e dëshmitarëve okularë për gjetjen e dy autorëve, të cilët ia mbathën në një skuter të zi.
Futbollisti holandez me origjinë nga Surinami u zhvendos nga Belgjika ku luante për Royal Antëerp në Britani të Madhe, ku nënshkroi me Burton Albion. Mbrojtësi ndihmoi skuadrën e tij të fitonte ligën e dytë që në vitin e parë në Angli.