Ish lojtari i Milanit dhe brazilit Kaka ishte një ndër të parët që mbërriti në shtëpinë e mikut të tij Cafu për t’i dhënë mbështetje në këto momente tepër të vështira për të. Djali i Cafus u nda nga jeta të mërkurën në mbrëmje. 30 vjeçari Danilo më i madhi i fëmijëve të Cafus humbi jetën pas një ataku kardiak që ai pësoi në një ndeshje futbolli.
Kaka u pa të përqafonte anëtarët e familjes së ish-shokut të tij të kombëtares, pasi trupi i pajetë i Danilo mbërriti në shtëpinë e familjes nga spitali.
Lulet dhe kurorat kanë mbuluar arkivolin e të ndjerit, ndërsa vetë Cafu u mundua të mos e jepte veten. Ai u përpoq ti jepte kurajo pjestarëve të tjerë të familjes, edhe pse zemra i është bërë copë nga humbja e papritur e djalit.
