Zlatan Ibrahimoviç është një nga emrat më të diskutuar kohët e fundit, teksa përfundon kontratën me klubin e LA Galaksi në fund të vitit dhe po shikon për një skuadër tjetër.
Pak ditë më parë trajneri i Napolit u shpreh se e pëlqen shumë lojtarin suedez, dhe do ta dëshironte atë te Napoli. Madje tekniku italian me shaka u shpreh se ai do ta telefononte vetë lojtarit, për t’i kërkuar të bashkohej me të kaltrit.
Pas përfundimit të ndeshje midis Los Anxheles Galksi dhe Minesota, Ibra ka dhënë një intervistë, ku nuk mund t’i shmangej pyetjes për telefonatën e Ançelotit. Edhe 38-vjeçari ka folur për këtë me shaka, teksa u shpreh: “Të gjithë më telefonojnë mua. A e dëshiron edhe ti numrin tim? Kështu që do të kishe mundësinë të më telefonoje mua. Në rregull, marrëveshja u krye.”, tha suedezi.
E ardhmja e sulmuesit është ende e pasigurt, teksa shumë klube kanë shfaqur interes për ta marrë në ekipet e tyre, veçanërisht në Itali.