Lazio ka pësuar dy gola të shpejtë në ndeshjen që po luan në shtëpi kundër Atalanta-s, e vlefshme për javën e tetë të Serisë A.
Protagonisti i sfidës është Luis Muriel, i cili ka ndëshkuar Thomas Strakoshën në minutën e 23-të dhe të 28-të.
Goli i parë i kolumbianit ka ardhur pas një aksioni të bukur nga ana e skuadrës së Gasperini-t, ndërsa i dyti nga një goditje dënimi me fat.
Në fakt, topi i krosuar në zonë nga sulmuesi i Atalanta-s nuk është prekur nga asnjeri dhe ka përfunduar në rrjetë.
Në minutën e 37-të ka ardhur edhe goli i tretë i miqve, i realizuar nga Gomez.
