Ndeshja midis Konjasporit dhe Jeni Maljatasporit në Superligën turke, përfundoi me fitoren e miqve me rezultatin 0-2.
Megjithatë një episod i veçantë që ka ndodhur gjatë zhvillimit të ndeshjes, ka marrë vëmendjen e të gjithëve. Vetëm 13 sekonda pasi kishte nisur sfida, portieri vendas, Serkan Kirintili, bën një gafë të madhe që po bën xhiron e botës.
Kirintili del nga zona e rreptësisë, dhe e ndalon topin me dorë, duke harruar se ishte jashtë. Portieri e kuptoi menjëherë gabimin e bërë, teksa hoqi dorezat dhe u largua drejt dhomave të zhveshjes, duke mos pritur vendimin e arbitrit, i cili gjithsesi më pas nxori kartonin e kuq.
Për më shumë shikoni videon e mëposhtme:
