Cristiano Ronaldo nuk ndal kurrë së çudituri, dhe në moshën 34-vjeçare vijon të jetë në kulm të gjëndjes së tij fizike. Është padyshim meritë e kujdesit të tij prej manjaku për fizikun dhe e fiksimit me stërvitjen, sikurse rrëfen edhe Carlo Tevez, ish-shok skuadre me portugezin te Manchester United.
“Nëse stërviteshim në orën 9 të mëngjesit, atëherë ai do të ndodhej aty që një orë përpara. E njëjta gjë ndodhte edhe kur stërviteshim në orën 7. Një ditë mbërrita në kompleksin stërvitor në orën 6 që ta paraprija, por ishte e kotë, e gjeta aty, ndonëse gjysmë përgjumësh”, tregon Tevez.
