Muaji tetor ishte sigurisht ai i ringjalljes për Mauro Ikardi, pas një vere të vështirë te Interi. Sulmuesi në pronësi të zikaltërve, por në huazim me të drejtën e blerjes nga PSG-ja, i ka magjepsur të gjithë si në kampionatin francez ashtu edhe në Ligën e Kampionëve.
Në 7 ndeshje të zhvilluara, argjentinasi ka shënuar 7 gola, duke u bërë kështu debutuesi më i mirë në historinë e parisienëve, duke treguar performanca si pak të tjerë në Europë.
26-vjeçari është vlerësuar nga “CIES Football Observatory”, si sulmuesi me formën më të mirë për muajin tetor. Ikardi kryeson renditjen ku përfshihen sulmuesit në 5 kampionatet kryesorë në Europë. Pas tij renditen Imobile, Uillian, Stërling, Mupai, Buanga, Palasio, Rashford, Bernardeski dhe Beni Jeder.
Ajo që bie në sy është, se Ronaldo dhe Mesi nuk bëjnë pjesë në këtë renditje, duke ditur që argjentinasi u kushtëzua edhe nga një dëmtim.
.@MauroIcardi at the top! Best performing forwards for last month's European big 5⃣ league matches according to @CIES_Football performance algorithm. Access the interactive tool ➡️ https://t.co/c0Xxg6FCDE #Icardi #immobile #willian #sterling #maupay #bouanga pic.twitter.com/KK6oxKlYEF
— CIES Football Obs (@CIES_Football) October 31, 2019
