Karriera e gjermanit Mesut Ozil, dy sezonet e fundit është në rënie të lirë. Lojtari i Arsenalit, nuk po jep në fushën e lojës atë që pritet dhe klubi do ta largojë atë.
Ozil përfiton në javë 400 mijë euro, rrogë e lartë për një lojtar që nuk po jep brenda pritshëmerive dhe i ka dhënë fund durimit të tifozëve.
Kështu siç raporton “Daily Mirror”, Milani dhe Interi janë gati të sakrifikojnë dhe të marrin Ozilin në Itali gjatë merkatos së janarit.
Trekuartisti i londinezëve është i hapur për një largim, pasi po sheh që nuk ka më besimin e trajnerit dhe të tifozerisë.
Pritet janari për të parë nëse Interi dhe Milani do të lëvizin për të siguruar shërbimet e Ozilit.
Kujtojmë që 31-vjeçari në karrierën e tij, ka luajtur për ekipe si Shalke, Verder, Reali dhe së fundmi Arsenali.