Derbi i 154-t i kryeqytetit u fitua nga Partizani në shifrat 2-1 dhe autorë të golave për të kuqtë janë dy lojtarë të huaj, që iu bashkuan skuadrës në merkaton e verës, pikërisht braziliani Uilliam Melo dhe nigeriani Theofilus Solomon.
Më 23 nëntor 2002 ka ndodhur për herë të fundit që fitoren e Partizanit në derbi e vulosnin dy futbollistë të huaj. Edhe në atë rast Partizani ishte udhëtues dhe fitonte derbin në shifrat 2-0. Si për ironi të fatit apo koençidencë, edhe atëherë golat i shënonin një brazilian dhe një nigerian, Princ dhe Geraldinjo.