Në gjashtë javë kampionat, problemi më i madh i Skënderbeut ka qenë mbrojtja, 11 gola të pësuar, duke kaluar në plan të dytë faktin që korçarët kanë siguruar 9-të pikë dhe ndodhen vetëm 2 pikë larg kreut. Përveç pjesës së dukshme, ku është e qartë se mungesat dhe forma jo e duhur fizike e disa titullarëve kanë sjellë këto rezultate, Daja zbulon se problemi kryesorë është pasojat që ka lënë ekipi i dikurshëm ku brumosën një mentalitet fituesi dhe sulmues. Dënimi i UEFA-s i lënë në fuqi nga CAS ndryshoi totalisht filozofinë e Skënderbeut për të ardhmen, më pak investime të bujshme, më shumë besim te lojtarët e rinjë, ky është kontingjenti, këto janë lojtarët por sigurisht që Daja pret më shumë nga senatorët:
Këtë të shtunë, Skënderbeu pret Luftëtarin, një rival që Daja e njeh mirë dhe e vlerëson shumë por është një ndeshje ku korçarët kërkojnë me çdo kusht 3-pikët.
