Nico Rosberg është piloti që ka patur mundësi t’i ketë shokë skuadre dy pilotët me më shumë tituj kampionë bote në Formula 1: Michael Schumacher dhe Lewis Hamilton. Përmes një interviste për “Frankfuter Allgemeine Zeitung”, ish-kampioni i botës në vitin 2016, flet për dy pilotët dhe bën dallimin mes tyre.
“Pa asnjë pikë dyshimi që Michael Schumacher është një pilot më i kompletuar, më i kompletuari nga të gjithë. Ishte gjithnjë i motivuar për t’u përmirësuar, jo vetëm për vete por edhe për skuadrën ku garonte”, tha Rosberg.
“Nëse Schumacher është nga një planet tjetër për sa i përket faktit që ishte një pilot i kompletuar, Hamilton ka një talent natyral që nuk e ka njeri tjetër. Sapo ulet në një makinë ai bëhet i shpejtë dhe kjo është mahnitëse”, tha Rosberg.