Pas asaj humbje dramatike dhe me shumë pomeika ndaj Barcelonës në “Champions League”, Interi do të zhvillojë një tjetër përballje delikate. Këtë herë ndaj Juventusit në kampionatin Italian, në një përballje direkte që luhet për vendin e parë.
Mbrojtësi i bardhezinjëve, Leonardo Bonuçi, i ka paralajmëruar zikaltrit për atë që e pret në mbrëmjen e së dielës, pasi do të luajnë kundër një Juventusi të madh.
“Në këtë ndeshje është e vështirë të flasësh për favorit. Sigurisht që ata e kanë nisur mirë kampionatin, pasi pritej me ardhjen e Contes, që ka bërë bashkë një ekip të madh. Ne do të shkojmë ndaj Interit për të bërë një ndeshje të madhe, për të sjellë rezultatin e duhur. Unë jam i sigurt se do të shihni një Juventus të madh dhe do të sjellim objektivin tonë nga kjo ndeshje”, ka thënë Bonuçi.
