Napoli mposhti ditën e djeshme me rezultatin 2-0 Helas Veronën, falë dy golave të shënuar nga sulmuesi polak, Arkadiush Milik.
Menjëherë pas përfundimit të ndeshjet, trajneri i të kaltërve, Ançeloti ka dhënë një intervistë për mediat e vendit të tij. Tekniku italian u shfaq mjaft i lumtur për këtë fitore, por edhe për ndeshjen e zhvilluar nga ekipi i tij: “Është një rezultat i rëndësishëm, për të vazhduar të qetë. E kontrolluam mirë ndeshjen, sidomos në pjesën e dytë, kundër në skuadre të fortë fizikisht, siç është Verona. Në këtë moment është e rëndësishme të tregoni pjekuri, dhe këtë e pashë te skuadra.”, theksoi 60-vjeçari.
Nuk mund të mos fliste për Ibrahimoviçin, i cili ditën e djeshme u shpreh se do t’i pëlqente të luante për Napolin: “Do ta telefonoj sonte (dje) dhe do t’i them se jemi duke e pritur. E pëlqej shumë atë, kam parë që ai shënoi 29 gola në 30 ndeshje në MLS. Pasi të kem folur me të, do t’iu them se si shkoi.”, u shpreh Ançeloti me shaka.
