Nga fundi i sezonit të kaluar Masimiliano Alegri është i papunë, pasi u largua nga stoli i Juventusit.
Megjithatë tekniku italian shumë shpejt do t’i japë fund papunësisë, pasi pritet të marrë drejtimin e një skuadre tjetër. Me shumë mundësi e ardhmja e 52-vjeçarit do të jetë në Premier Ligë, pasi disa skuadra nga ky kampionat e dëshirojnë në drejtimin e tyre.
Kohët e fundit kanë qarkulluar lajme se Alegri mund të marrë drejtimin e Junajtid ose Totenhemit, për shkak të rezultateve të dobëta të këtyre ekipeve në këtë fillim kampionati. Por, sipas “Daily Star” një tjetër klub anglez ka nisur kontaktet me trajnerin, për t’i besuar stolin e ekipit.
Bëhet fjalë për Evertonin, të cilët kanë kontaktuar italianin, megjithatë kanë marrë një përgjigje negative nga Alegri, i cili kërkon një skuadër më të madhe.
