Në fillim shfaqja në Carabao Cup, pastaj kërcënimi. Jurgen Klopp nuk ka kohë as ti gëzohet kualifikimit të Liverpool në cerekfinale, pas fitores spektakolare me penallti kundër Arsenal, se duhet të mendojë për impenjimin e ardhshëm. Tekniku nuk duron më. Në konferencë për shtyp kritikon kalendarin e paralajmëron:
“Nëse nuk gjejmë një datë të duhur për ne do të thotë që nuk do të luajmë e kushdo qoftë kundërshtari në cerekfinale do të kalojë raundin”.
Nuk kanë mjaftuar 5 golat në 90 minuta. Nuk ka mjaftuar fitorja me penallti në Anfield Road. Nuk ka mjaftuar as kalimi i turit. Klopp është i tërbuar: kalendari është shumë asfiksues. “Nuk e kam bërë unë kalendarin kështu që janë të tjerë ata që duhet të merren me të.
Fifa thotë se duhet të jemi për Botërorin e klubeve e do të jemi. E njëjta gjë për Premier League e natyrisht nuk mund të mungojmë. Pastaj është edhe Carabao Cup, që duam ta luajmë, por nuk duam që ndeshja të jetë ditën e Krishtlindjes në orën 3 të mëngjesit”.
Një kritikë e ashpër ajo e teknikut të Reds: “Është e drejtë që ky problem të shfaqet tani, nuk do të jemi ne viktimat e këtij sistemi. Deri më sot ky problem kalendari është injoruar, besoj në fakt se shumë në Premier League ishin përpara TV të bënin tifo për Arsenal, më vjen keq…”
Ndërkohë ështëë hedhur shorti për cerekfinalet e Carabao Cup. Organizuesit kanë njoftuar në Tëitter se “po diskutohet me Liverpool FC për një datë alternative, duke patur parasysh pjesëmarrjen e Klubit në kompeticionin e Botërorit për klubtë Fifa”.
CEREKFINALET
1) Oxford United-Manchester City
2) Manchester United-Colchester United
3) Aston Villa-Liverpool
4) Everton-Leicester
