Sipas asaj që shkruan “TuttoMercatoWeb”, Matia Kaldara ka kaluar plotësisht dëmtimin e tij, teksa ditën e sotme është bashkuar me pjesën tjetër të ekipit në stërvitje.
Nga ora 15:00, trajneri i ri Stefano Pioli ka nisur stërvitjen e parë me Milanin, teksa ka marrë edhe një lajm të mirë siç është rikthimi i Kaldarës.
Italiani nuk luan një ndeshje për kuqezinjtë që nga prilli i këtij viti, pasi u dëmtua në ndeshjen kundër Lacios në Kupën e Italisë. Pas 6 muajve errësirë, mbrojtësi është rikuperuar plotësisht dhe është rikthyer në stërvitje.
“Djalli” nuk po kalon një formë të mirë në këtë fillim sezoni, ndërkohë që kjo solli edhe shkarkimin e Xhampaolos dhe, rikthimi i Kaldarës pritet të jetë një ndihmesë e madhe për Milanin, në ndeshjet e ardhshme.
