Një fitore dhe një humbje. Ky është trendi i Kombëtares shqiptare në vitin e fundit. Rezultate të çuditshme që kanë vendosur një “traditë” që nga 20 nëntori i vitit 2011.
Në atë kohë Kristian Panuçi fitoi në miqësoren me Uellsin dhe fitoi besimin për të vazhduar edhe këto eliminatore. Por në fakt ai zhgënjeu me Turqinë dhe u mund 0-2 në “Loro Boriçi”. Në sfidën pasardhëse kuqezinjtë fituan 0-3 me Andorrën, pastaj një humbje me Islandën dhe fitore me Moldavinë.
Ishte Franca që i shkaktoi një disfatë Kombëtares kuqezi, por skuadra e Rejas gjeti forcat dhe mundi 4-2 Islandën. Në ndeshjen pasardhëse humbëm me Turqinë, por tradita e do që sot të fitojmë. Të shohim nëse do të ruhet ky trend rezultatesh. Shqipëria nuk barazon një ndeshje që nga 10 tetori kundër Jordanisë (0-0 miqësore).
