Sonte në mbrëmje luhet në Stamboll, në stadiumin e Fenerbahces, ndeshje Turqi-Shqipëri e vlefshme për eleminatoret e Europianit “EURO 2020”.
Disa orë para ndeshjes, tifozët “kuqezinj” me përkrenare, qeleshe dhe flamuj kuqezi, kanë nisur të mbushin rrugët e Stambollit. Ata janë organizuar për përballjen e sotme dhe pritet që në stadium të jenë rreth 2500 të tillë.
Pasi të grumbullohen të gjithë në një vend-takim, ata do të marshojnë drejt stadiumit, për t’u akomoduar në tribunën përkatëse për të mbështetur çunat e kombëtares.