Lionel Mesi ka marrë sot, Këpucën e Artë, duke i shtuar palmaresë së tij edhe një çmim tjetër. Argjentinasi është shpallur golashënuesi më i mirë në pesë kampionatet kryesore të Europës me 36 gola, duke lënë pas Kilian Mbapenë që kishte 33.
Prezentë në këtë ceremoni, ka qenë dhe familja e argjentinasit, ku dy djemtë e Mesit kanë qenë ata që kanë marrë çmimin e të atit.
Pas marrjes së çmimit, Mesi ka folur duke e quajtur kampionatin më të rëndësishëm se Ligën e Kampionëve.
“Liga e Kampionëve është e veçantë dhe çdo vit kërkojmë që ta fitojmë atë, por ne e dimë që La Liga është më e rëndësishmja. Ne gjithmonë synojmë Championsin, por kurrë nuk e harrojmë kampionatin dhe kupën. Dua të falenderoj familjen time, kolegët dhe bordin e klubit. Pa shokët e mi te Barça, kurrë nuk do isha bërë i tillë. Ky çmim i takon të gjithëve aty”, shprehet Mesi.