Real Madrid është kthyer te fitorja dhe ka harruar barazimin 2-2 zhgënjyes të marrë në Champions League kundër Club Brugge në shtëpi dhe është kthyer te fitorja.
Skuadra e Zidane, në fakt, ka mundur me rezultatin 4-2 skuadrën e Granada-s në javën e tetë të kampionatit spanjoll. Ka nisur gjithçka mirë për madrilenët, të cilët kanë kaluar në avantazh pas 2 minutash loje me Benzema.
Në fundin e pjesës së parë ka ardhur edhe goli i dytë i vendasve dhe i pari për Eden Hazard me fanellën e Los Blancos. Belgu ka qenë protagonist edhe në pjesën e dytë me asistin e dhënë për golin spektakolar të Modric në minutën e 61-të.
Kur mendohej se ndeshja ishte mbyllur, Granada ka trembur madrilenët mke dy gola të shpejtë të shënuar nga Machis me penallti në të 69-ën dhe nga Duarte në të 78-ën.
Gjithsesi, Real ka arritur të sigurojë tri pikët me golin e shënuar nga Rodriguez në minutën e 92-të. Kjo fitore e ka ndihmuar ekipin e Zidane të ngjitet në vendin e parë të renditje me 15 pikë, vetëm një më shumë se Granada, surpriza e këtij sezoni në La Liga.
