Rron Broja është shumë pranë rinovimit me skuadrën e Partizanit.
Mesfushori dhe drejtuesit e kuq pritet që shumë shpejt të gjejnë akordin për të rinovuar kontratën e 25-vjeçarit që skadon në fund të këtij muaji.
Broja kishte dy oferta nga Hungaria, por me shumë gjasa, do të jetë lojtar i të kuqve edhe për sezonin e ardhshëm. Gjithashtu, këto ditë, pritet që Broja t’i bashkohet ekipit në Ohër ku po kryhet faza përgatitore.
STATISTIKAT E BROJËS
Rron Broja, në sezonin që lamë pas ka luajtur 32 ndeshje për “demat” ku në 30 prej tyre i ka nisur si titullar. Edhe pse nuk ka shënuar asnjë gol, stabiliteti që 25-vjeçari i ka dhënë skuadrës është i pazëvendësueshëm. Ndërsa, në total me fanellën e Partizanit, Broja ka luajtur 71 ndeshje, duke shënuar 3 gola.
