Ronaldinjo e ka të pamundur të qëndrojë larg telasheve në këtë periudhë të fundit. Ish-fantazisti brazilian, pasi ka rikuperuar pasaportën e sekuestruar (pagoi 2 milionë dollarë), duhet të mbrohet nga akuzat e radhës.
Sipas “Marca”-s, ish-ylli i Barçës dhe Milanit është thirrur në apel nga dhoma e deputetëve në Brazil për të sqaruar akuzat që lidhen me një vjedhje parash të një kompanie në vend, e cila shfrytëzonte imazhin e Ronaldinjos për të bërë publicitet.
Çdo person duhej të investonte një shumë prej 30 dollarësh në monedhën elektronike “Bitcoin”, me premtimin se do të kishte një interes prej 2 për qindësh.
