Armando Sadiku ka gjetur sërish rrugën e rrjetës me fanellën e Malagas në Ligën e Dytë spanjolle. Bomberit të Kombëtares, i kanë mjaftuar vetëm 3 minuta në sfidën ndaj Zaragozës që është duke u luajtur momentalisht për të kaluar në avantazh skuadrën e tij.
Pas një asisti të Kasados nga e djathta, sulmuesi i Kombëtares nuk ka falur me një goditje të saktë pranë pikës së penalltisë duke tundur rrjetën!
Kujtojmë që për Sadikun ky është goli i dytë në kampionat teksa më herët shënoi ndaj Mirandesit në ndeshjen e zhvilluar në 14 shtator. Si Sadiku ashtu edhe mesfushori Bare, e kanë nisur sfidën e sotme si titullar, duke shpërblyer më së miri besimin e trajnerit.