Interi barazoi 2-2 në shtëpi ndaj Parmës, por pa polemika nuk ka kaluar ky takim as përsa i përket gjykimit.
Në minutën e 41-të, është Lautaro që bie në zonë pas një “sanduiçi” me Hernani dhe Iakoponin, por gjyqtari vazhdon lojën. Mungon një penallti për zikaltrit.
Rasti më i dyshimtë është ai i minutës së 56-të, ku akordohet me VAR edhe goli i Lukakut. Brozoviç hap lojën në të djathtë për Kandevën, me këtë të fundit që jep një top të ulët për Lukakun, e belgu shënon.
Por, kryesori anulon në fillim golin për pozicion jashtë loje të Kandrevës. Goli shihet më pas për rreth 4 minuta në VAR, dhe më pas jepet i rregullt. Por, në pamjet që jep “Sky”, duket gjoksi dhe shpatulla e Kandrevës, që janë më të avancuara se lojtari i fundit i Parmës. Një rast milimetrash ky, që ka hapur debate të mëdha në Itali.
