Ky sezon i Kategorisë Superiore, ka qenë goxha i çuditshëm deri më tani ku shumë nga skuadrat pretendente, nuk kanë arritur të tregojnë diferenca karshi kundërshtarëve.
Kjo vihet re lehtësisht edhe të tabelë, aty ku nga vendi i parë e deri në vendin e shtatë, diferenca është vetëm 4 pikë.
Ndryshe nga sezoni i shkuar, këtë sezon po iu mungojnë pikët skuadrave kryesuese. Partizani kryesonte me 22 pikë, teksa Skënderbeu kishte 20 pikë në vendin e dytë.
Këtë sezon, vendi i parë ka 5 pikë më pak në krahasim me vitin e shkuar, megjithatë ka një sasi golash të konsiderueshme.
Këtë sezon, janë shënuar në total 105 gola në 9 javë kampionat, teksa vitin e shkuar ishin shënuar 84 gola deri në javën e nëntë të Superiores.
Sulmi më i mirë aktual, është ai i Bylisit dhe Tiranës me nga 15 gola, teksa sezonin e shkuar ishte i Skënderbeut me 13 gola.
Sa i përket mbrojtjes, këtë sezon Flamurtari ka pësuar plot 21 gola në 9 ndeshje ndërsa vjet Kastrioti kishte pësuar 18.