Superkupa e Italisë do të luhet në fund të dhjetorit, në të cilën do të shohim përballë Juventusin dhe Lacion.
Bardhezinjtë si fitues të kampionatit dhe kryeqytetasit si fitues të Kupës së Italisë, do të përballen me njëra-tjetrën në Arabinë Sauditë, në ndeshjen e vlefshme për Superkupën. Për shkak të kësaj sfide, dy ndeshje të javës së 17-të do të shtyhen, për tu luajtur më pas në vitin 2020.
Data zyrtare e këtij takimi nuk është njoftuar ende zyrtarisht, por sipas të gjitha gjasave ajo do të luhet midis 20 dhe 22 dhjetorit.
Ndeshjet që pritet të shtyhen, janë pikërisht sfidat që këto dy skuadra kanë në kampionat, siç janë Sampdoria-Juventus dhe Lacio-Verona.