Kampioni i botës në peshën “light heavyweight” (pesha 83-94kg) në artet marciale mikse, Jon Jones, mund të tërhiqet nga sporti në moshën 32-vjeçare. Problemet personale, problemet e lidhura me antidopingun (2 herë pozitiv) si dhe mungesa e rivalëve të denjë për të, duket se do të detyrojnë kampionin amerikan të marrë një “pushim” 2-vjeçar.
Në një deklaratë në rrjetet socialet, kampioni i UFC-së tha: “Ndonjëherë mendoj të mos ngjitem më në kafaz. Të paktën për 2 vjet. Dua thjesht të stërvitem dhe më pas të kthehem sërish në këtë sport dhe të rimarr titullin”, shkruan Jones në “Twitter”.
“Nuk e di aspak se kush do të jetë rivali im i radhës dhe kur do të dueloj sërish. Të dueloj ndaj Dominic Reyes, siç kërkon UFC-ja, nuk kam asgjë për të fituar. Ajo që shoh është se po stërvitem fort, por më mungojnë rivalët. Duket sikur janë duele që më çojnë drejt largimit”, tha Jon Jones.