Mes protagonistëve të ndeshjes së Champions League të luajtur mes Tottenham dhe Olympiacos ka qenë edhe Callum Hynes, kapësi i topave i përqafuar dhe i përgëzuar nga trajneri i Spurs, Jose Mourinho.
15-vjeçari, siç ka theksuar edhe Special One, ka patur meritën e rivënies me shpejtësi të topit në lojë nga ana Aurier, që ka çuar te goli i barazimit të përkohshëm 2-2 të Harry Kane.
“Ai djalosh ka bërë një punë shumë të mirë, e ka kuptuar se çfarë duhej të bënte. E ka lexuar ndeshjen, e ka jetuar me të vërtetë. Doja ta ftoja të festonte me ne në dhomat e zhveshjes, por u zhduk”, kanë qenë fjalët e Mou pas ndeshjes.
“I adhuroj Spurs, ka qenë një moment fantastik që nuk do ta harroj kurrë. Ka qenë pak e pabesueshme, po bëja vetëm detyrën time dhe akoma nuk arrij ta besoj atë që ka ndodhur. Më ka ndryshuar ditën dhe jetën time”, ka përfunduar Hynes.
"I wanted to invite him to the dressing room to celebrate with us."
Jose Mourinho says a key member of Tottenham's Champions League win missed the celebrations 🎉 pic.twitter.com/a5lWbZ72ki
— The Sun Football ⚽ (@TheSunFootball) November 28, 2019
