Gareth Bale nuk dëshiron të vijoj karrierën te Real Madridi dhe po mendon seriozisht largimin në merkaton e janarit.
Sulmeusi uellsian nuk ndihet mirë në Madrid edhe pse arrit të normalizonte mardhëniet me trajnerin Zinedine Zidane. Së fundmi raportohet se për shërbimet e 29-vjeçarit kanë shprehur interes disa skuadra në kampionatin kinez të futbollit. Gazeta Marca publikoi një lajm sipas të cilit Shanghai Shenhua kishte kontaktuar Bale më synimin për të nënshkruar me të gjatë merkatos së dimrit.
Sipas informacioneve që vijnë nga Spanja, Gareth Bale po mundohet të bind Real Madridin që të pranojë prishjen e marrëveshjes, por drejtuesit e “Los Blancos” nuk janë dakord. Lojtari është në planet e Zidane për pjesën e mbetur të sezonit.
