Niko Kovaç prej mbrëmjes së djeshme nuk është më trajneri i Bajernit të Mynihut. Humbja fatale ndaj Frankfurtit me rezultatin e thellë 5-1, bëri që palët të binin dakord për prishjen e marrëveshjes mes tyre.
Drejtuesit e Bajernit nisën punë për të gjetur zëvendësuesin dhe siç raporton “Corriere Dello Sport”, Alegri ishte një prej alternativave.
Por, “Sky Sport Germania”, bën me dije se Alegri i ka thënë jo Bajernit, pasi kërkon që të jetë i lirë deri në fundin e qershorit, dhe do të startojë një projekt të vetin.
Kështu kampionët e Gjermanisë kanë kthyer sytë nga Ten Hag, i cili është i lidhur me Ajaksin dhe nuk dihet nëse mund të largohej në mes të sezonit.