Problemet fizike për Matia Muzakion dhe Hezus Suson i kanë kushtuar të dyve mungesën në ndeshjen e djeshme kundër Lacios. Spanjolli ka një shqetësim në zonën e pelvisit (legeni) dhe rrezikon të mungojë në fundjavë ndaj Juventusit.
Shanset për të rikuperuar janë të mëdha sipas klubit kuqezi, teksa për Mateo Muzakion optimizmi është më i moderuar. Argjentinasi ka një tërheqje të lehtë në muskulin e pjesës së brendshme të kofshës së majtë dhe vështirë se do t’ia dalë të shërohet në kohë për të qenë në fushë ndaj “Zonjës së Vjetër”.
Fat i njëjtë edhe për Samu Kastijehon që dje në minutën e 36-të doli nga fusha në lot. Sot numri 7 do t’i nënshtrohet testeve mjekësore, teksa flitet se mund të ketë pësuar një tërheqje në kofshën e majtë.
