Shqipëria ka edhe dy ndeshje për të mbyllur këtë edicion kualifikues dhe për trajnerin Edi Reja, rëndësi ka çdo futbollist.
Duke qenë se përballë do të jenë dy skuadra të niveleve të ndryshme, atëherë do të bëhet i mundur menaxhimi i forcave për të siguruar rezultat maksimal në secilën. Ndeshja Bresha-Inter i dha trajnerit të Kombëtares një lajm të rëndësishëm, teksa Emanuele Ndoj debutoi në Serinë A.
Mesfushori u rikthye nga një dëmtim që e mbajti jashtë fushave për tre muaj. Së fundmi, për trajnerin e Kombëtares Italia sjell një “buqetë” lajmesh pozitive. Ledian Memushaj është rikthyer dje në stërvitje, pasi për shkak të një dëmtimi humbi ndeshjen e kaluar ndaj Juve Stabia. Mesfushori i “Delfinëve” është kthyer i gatshëm.
