Granit Xhaka po kalon një periudhë shumë të vështirë te Arsenali, dhe me shumë mundësi do të largohet në merkaton e janarit.
E ardhmja e mesfushorit mund të jetë në Itali, teksa diçka të tillë e konfirmon “Sky Sport Deutchland”.
Sipas kësaj të fundit, Milani dhe Interi kanë shfaqur interes serioz për të transferuar futbollistin në ekipet e tyre respketive. Të dy klubet e kanë gati formulën e transferimit, të cilën do t’ia propozojnë Arsenalit, me shpresën se do arrijnë një marrëveshje për futbollistin.
Formula që dy klubet e Milanos do të propozojnë, është ajo e huazimit me të drejtën e blerjes, diçka që vështirë se do të pranohet nga Arsenali, të cilët në rast se e largojnë lojtarin, do të sigurohen që ta shesin përfundimisht.
