Turqia ka barazuar në shtëpi me rezultatin 0-0 ndaj Islandës, në ndeshjen e vlefshme për kualifikueset e Euro 2020.
Turqisë i mjaftonte vetëm një barazim për të siguruar kualifikimin, dhe pikërisht atë ka marrë, teksa barazoi një ndeshje, të cilën e dominoi nga fillimi deri në fund.
Me këtë pikë të marrë Turqia shkon në vendin e parë me 20 pikë, ndërsa Islanda qëndron në vendin e tretë me 16 pikë, kur duhet edhe një ndeshje nga fundi i eliminatoreve. Të dyja skuadrat bëjnë pjesë në grupin H, aty ku është edhe Shqipëria me Francën, me këta të fundit që ndodhen në kuotën e 19 pikëve dhe luajnë sot me Moldavinë.
Për të kaluar te ndeshja, vendasit turq e dominuan lojën duke pasur shumë raste shënimi, por nuk ia dolën. Miqtë provuan t’i kapnin në barazim, por përsëri nuk ia dolën, pasi vendasit ishin shumë të vëmendshëm pas.
