Olivier Zhiru është një nga objektivat kryesor të Interit në merkaton e janarit. Sulmuesi francez i Çelsit, nuk po gjen hapësira te londinezët dhe mendon largimin nga klubi.
Siç raporton “Tuttosport”, nuk është vetëm Interi që kërkon sulmuesin, por tashmë në garë është futur dhe Borusia e Dortmundit.
Interi e ka “nuhatur” rrezikun dhe kështu ka shtyrë kontaktet për të bindur lojtarin sa më shpejtë, që të bashkohet në janar.
Mbetet të shihet tashmë se cili do të jetë destinacioni i ardhshëm i kampionit të botës, që po kalon momentet e fundit te Çelsi.
