Ndonëse merkato e qershorit është ende larg, te Juventusi kanë filluar të mendojnë për lëvizjet që do të bëjnë në ekip.
Përveç transferimeve të mëdha me shuma të mëdha, drejtori sportiv i bardhezinjve, Fabio Paratiçi po punon edhe për afrimin e lojtarëve me parametra zero. Një nga futbollistët që ndiqet me shumë kujdes nga kampionët e Italisë, është mbrojtësi i PSG-së, Tomas Munir.
Ky i fundit pëlqehet shumë nga Paratiçi , i cili do të përpiqet ta transferojë në Torino në verën e ardhshme, atëherë kur lojtarit i mbaron edhe kontrata me francezët.
Transferimet me parametra zero janë të shumta te Juventusi, dhe në shumicën e rasteve ato kanë qëlluar të goditura.
