Barcelona nuk ka shkuar më shumë se një barazim 1-1 në ndeshjen kundër Alavesit në transfertë. Ekipi katalanas nuk njeh fitore prej 4 ndeshjesh në La Liga duke qenë në një krizë rezultatesh, pasi ka marrë 2 barazime dhe 2 humbje.
Ndeshja nuk nisi mirë për katalanasit që pësuan gol në minutën e 31′. Mbrojtja gaboi rëndë duke i dhënë mundësinë Riojas të shënojë golin e 1-0. Neto gaboi duke mos larguar topin direkt dhe sulmuesi i rrëmbeu sferën portierit duke e ndëshkuar.
Messi humbi toruan në fundin e pjesës së parë, duke gjuajtur topin në drejtim të gjyqtarit. Kryesori e toleroi duke i dhënë vetëm karton të verdhë. Pjesa e dytë solli ndryshime te Barcelona, pasi arritën të barazonin rezultatin me Antonie Griezmann. Sulmuesi shfrytëzoi një hutim në mbrojtjen kundërshtare dhe dërgoi topin në rrjetë për 1-1. Alavesi luajti me një lojtar më pak për 30 minuta, por sërish katalanasit nuk arritën të fitonin.
