Shqipëria luan sot për rekord pikësh. Përballë është Andorra modeste dhe një fitore i fut në histori kuqezinjtë, sa u përket pikëve të grumbulluara në një edicion eliminator të vlefshëm për Europianin apo Botërorin.
Asnjëherë më parë Shqipëria nuk ka shkuar në kuotën e 15 pikëve, por tashmë ka shansin që, me triumfin ndaj Andorrës, ta bëjë realitet edhe këtë statistikë. Më parë kuqezinjtë kanë marrë maksimalisht vetëm 14 pikë në eliminatoret e “Euro 2016”, kur nën drejtimin e Xhani De Biazit, Shqipëria u kualifikua për herë të parë në Europian.
Më 14 tetor të këtij viti skuadra e Rejas theu rekordin e golave pas fitores me Moldavinë 0-4. Më parë Kombëtarja nuk kishte shënuar kurrë 14 gola pas tetë ndeshjeve eliminatore.
Trajneri Edi Reja na ndarë mëndjen edhe për formacionin titullar që do të hedhë në fushë nga minuta e parë. Porta i është besuar gardianit të SPAL-it, Etrit Berisha.
Në mbrojtje do të bëjë pushim Dermaku, që do të zëvendësohet nga Veseli, ndërsa konfirmohet titullar për të dytën ndeshje radhazi anësori i Partizanit Lorenc Trashi, i cili është pozicionuar në krahun e majtë. Nga e djatha tekniku italian i ka besuar Roshit.
Për sa i përket mesfushës, Ramadani do të marrë vendin e Gjasulës së pezulluar dhe Ndoji do të luajë në vendin e Bares, ndërsa Bekim Balaj do të jetë partneri i Manajt në vijën e parë të sulmit.
LIVE| SHQIPËRI – ANDORRË 2-2
Balaj 6′ / Martinez 18′, 48′
KOMENTI LIVE:
48′ GOL ANDORRA 1-2/ Tronditen kuqezinjtë, miqtë nga Andorra përmbysin rezultatin me autor Martinez! Ekzekutim perfekt brenda zonës i futbollistit të Andorrës!
46′ E nis rrezikshëm Shqipëria. Manaj kthen një top të rrezikshëm në hyrje të zonës, por nuk arrin ta devijojë askush nga tanët, pranë autogolit mbrojtësi i Andorrës, topi shkon në këndore.
46′ Starton pjesa e dytë, Reja bën zëvendësimin e parë, largon nga fusha, Lorenc Trashin, vendin e tij e zë Hysaj!
Përfundon pjesa e parë!
45′ Akordohet 1 minutë shtesë!
45′ Memushaj provon nga këndi, largojnë futbollistët e Andorrës, topi shkon te Trashi, i cili provon fluturimthi, por jashtë kuadratit!
35′ Ismajli lëshon një predhë nga afro 30 metra me të djathtën, topi shkon ngjitur me shtyllën! Pranë golit kuqezinjtë!
28′ Ismajli provon të japë një asist fantastik për Roshin nga e djathta, por kontrollon gjithçka portieri mik!
22′ Fantastik portieri i Andorrës, i cili i ka mohuar një gol të sigurt kapitenit Memushaj, pas gjuajtjes brenda zonës!
18′ GOL ANDORRA 1-1/ Befasojnë miqtë! Pas një harkimi nga e majta, futbollisti i Andorrës, Martinez, nuk ka falur brenda zonës, duke barazuar shifrat! Aksion model i Andorrës!
14′ Pranë golit të dytë Shqipëria, Memushaj provon me një goditje nga distanca, topi shkon mbi kuadrat!
12’ Tjetër mundësi e mirë për Shqipërinë që avancon me Manajn i cili i afrohet zonës dhe provon një diagonale për Balajn, por mbyllet aksioni.
6′ GOOOOL SHQIPËRIA 1-0/ Zhbllokohet sfida! Bekim Balaj gjen rrugën e rrjetës! Pas një harkimi të Roshit nga e djathta, sulmuesi shkodran godet saktë me kokë duke tundur rrjetën!
3′ Ndoji gjen rrugën e rrjetës, por goli anulohet, për shkak se topi përpara se të krosohej drejt Ndojit nga Memushaj, e kishte kaluar vijën.
1′ Shqipëria provon të surprizojë me Ndojin në minutat e para, por mesfushori gabon në momentet e fundit.
1′ Ka nisur sfida, Andorra luan topin e parë nga qendra!
FORMACIONET ZYRTARE:
SHQIPËRIA: Berisha, Gjimshiti, Ismajli, Veseli, Trashi, Roshi, Memushaj, Ramadani, Ndoji, Manaj, Balaj.
ANDORRA: Gomes, Martinez, Vales, Emili Garsia, Klemente, Moreno, Alaez, San Nikolas, Cervos, Kus Rubio, Lovera.
PANORAMASPORT.AL
