Antoinne Griezmann mund të largohet nga Barcelona. Për dy sezone, 30-vjeçari ka bërë 99 paraqitje me Barçën, ka shënuar 35 gola.
Lajmin e ka konfirmuar drejtori sportiv i katalanëve, Mateu Alemany.
Gjatë prezantimit të Memphis Depay, nuk munguan pyetjet edhe për të ardhmen e Griezmann, që së fundmi është raportuar për një rikthim të mundshëm te Atletico Madrid.
Alemany tha se Barça i beson Griezmannit, por për shkak të situatës së rëndë ekonomike, klubi do të dëgjojë ofertat për Griezmannin.
Reklamë
“Antoinne është një futbollist i Barcelonës, kemi një kontratë bashkë dhe ne besojmë te ai. Është normale të ketë shumë zëra merkatoje për të pasi bëhet fjalë për një futbollist cilësor”, u shpreh ai.
“E vlerësojmë shumë Griezmannin, por nëse gjërat në merkato lëvizin, mund të pranojmë ofertat e duhura, pasi jemi në vështirësi financiare dhe duhet të bëjmë llogaritë me një bilanc të rënduar tashmë”.
Griezmann është ojesë e Barcelonës që nga viti 2019.
Për dy sezone, 30-vjeçari ka bërë 99 paraqitje me Barçën, ka shënuar 35 gola.