Listës së skuadrave Europiane të solidarizuara me tërmetin katastrofik në Shqipëri, i është shtuar edhe klubi i Interit. Nëpërmjet një postimi në faqen zyrtare në “Twitter”, klubi zikaltër i shpreh ngushëllime të gjithë popullit shqiptar në këto ditë shumë të vështira.
“Ne Shqipëri ka shume tifozë te Interit. Atyre, te dashurve te tyre dhe te gjithë popullit shqiptar i shkojnë mendimet tona ne këto dite shume te vështira”, shkruan Inter në faqen zyrtare.
Ndërkohë tifogrupi “Inter Club Albania” bën gjithashtu me dije se përveç ngushëllimit në profilin zyrtar, palët janë në bisedime me klubin për ta kthyer këtë mbështetje në diçka konkrete për njerëzit e prekur nga tërmeti.
PANORAMASPORT.AL
