Zhoze Murinjo u fol shumë se mund të marrë drejtimin e Real Madridit në fillim të sezonit, pas rezultateve të dobëta që po merrnin madrilenët.
Megjithatë tashmë diçka e tillë nuk mund të realizohet, për shkak se tekniku portugez ka është emëruar në stolin e Totenhemit.
Murinjo ishte shumë afër Realit, diçka që e pranon edhe ish- presidenti madrilen, Ramon Kalderon, i cili në një intervistë të dhënë së fundmi është shprehur: “E di që Totenhemi tani është në një gjendje të keqe, por Murinjo do të gjejë atje një ekip shumë të mirë. Mendoj se portugezi vërtetë dëshironte të rikthehej te Reali, por diçka e tillë nuk ndodhi. Ndoshta ai ishte duke pritur që të thirrej, pas problemeve që kishte skuadra në fillim të sezonit.
Megjithatë tashmë ai ka një mundësi shumë të mirë te Totenhemi. Nëse skuadra e Zidanit do të kishte vazhduar me rezultatet jo të mira, unë mendoj se Murinjo do të ishte emëruar përsëri në stolin e Realit. Ndoshta ai u lodh duke pritur madrilenët, dhe vendosi të marrë drejtimin e Totenhemit.