Barcelona ka nisur punën për merkaton janarit, në dalje. Një prej lojtarëve që pritet të largohet është Zhan-Kler Todibo, i cili erdhi nga Tuluza dhe ishte një zgjedhje e Ernesto Valverdes.
Mbrojtësi francez ka luajtur vetëm 77 minuta këtë sezon në kampionat duke mos gjetur hapësirat e duhura.
Siç raporton “Sport”, në ndjekje të lojtarit është Bajer Leverkuzeni, që është gati të blejë kartonin e lojtarit.
Barcelona nga ana tjetër nguron ta shesë qendërmbrojtin dhe kërkon ta japë me formë huazimi, ose të ketë të drejtën e riblerjes.
Mbetet të shihet se çfarë do të ndodhë në merkaton e janarit, ku do të ketë largime në kampin katalanas.
